fb tips ( insights )

اتكلمنا معاكم فى المقالة اللى فاتت عن اهمية المحتوى فى صفحة الفيسبوك وازاى تعمل محتوى جيد ومعادنا النهاردة مع الجزء التانى من سلسلة مقالات fb tips للمبتدئين واصحاب ال start-ups واللى بنتكلم فيها عن ال insights

 بس قبل منبدأ فيه كام مصطلح لازم تكون عارفهم كويس .

Engagement 

مجموع اللايكات والكومنتات والشير على البوستات.

Reach

ده معناه كام شخص شاف البوست

cpe - cost per engagement

يعنى تكلفة ال engagement الواحد كام ودى بنستخدمها لما نعمل اعلانات .

فى كلامنا عن ال insights  يهمنا جدا 4 حجات اساسية 

1 - overview

اول حاجة لازم تتابعها فى الانسايتس بشكل دورى كل اسبوع مرة على الاقل . لان دى بتوريلك بشكل عام اتجاه البيدج 

 وفيها حجات كتير زى ال reach وال engagment  واكبر audience عندك . وغيره من الحجات المهمة اللى لازم تتابعها باستمرار .

2- posts

التاب دى بتستخدمها فى حاجتين

- اول حاجة ال time 

 

الchart دى بتوريك الوقت المناسب اللى تنزل فيه بوست وده الفيسبوك بيحسبه بناءا على وقت تواجد الفانز بتوعك.

 - تانى حاجة ال puplished posts

وده مهم جدا عشان بتعرف منه ايه انواع المحتوى اللى الفانز بتوعك تفاعلو معاها وتحاول تشتغل عليها وتطورها باستمرا ولو لقيت بوست معين عامل تفاعل اعلى من كل البوستات بشكل ملحوظ  ممكن تعمله repost بعد فترة

لان مش كل الناس شافته فى المرة الاولى وحتى لو حد شافه تانى مفيش مشكلة مش هيضربك يعنى -_-

3 - people

ودى مهمة جدا لانها بتعرفك الفئة اللى متابعاك شكلها عامل ازاى من حيث الage وgender و ال region

طب ده هيفرق معايا فى ايه ؟؟

-اولا لو انت عندك marketing plan وعامل segmentation هتعرف هل انت نجحت توصل لل segments بتاعتك دى ولا لا

-ولو مش عامل ماركتينج بلان تقدر تعرف منها الفئات اللى ممكن تستهدفها وتبنى على اساسها ال marketing plan

-واحيانا بيكون فيه ناس عاملة segmentation و بعد فترة من الشغل على الفيسبوك يظهر segment جديدة 

 مثال : واحد عامل بيدج للبيزنس بتاعه وهو شغال فى القاهرة بعد فترة اكتشف ان عنده على البيدج عدد كبير من الاسكندرية يقدر يستغل ده فى انه يعمل ايفنت فى اسكندرية مثلا او اي حاجة مرتبطة بالبيزنس بتاعه وممكن تكون بداية انه يفتح سوق جديد لنفسه .

بالاضافة ان لو معظم الناس اللى عندك شباب يبقى هتكلمهم باسلوب شبابى ولو معظم الفانز ستات يبقى هتتكلم معاهم باسلوب مختلف وبناءا على ده انت بتعمل المحتوى بتاعك .

 4 - interests

دى مش هتلاقيها فى ال insights بتاعت البيدج بس تقدر تجيبها من ال ad manager ودى هتفرق معاك جدا فى انك تحدد اتجاه ال content  بتاعك عشان متبقاش الناس محتاجة حاجة وانت بتنزل حاجة تانية خالص

 ____________________________________________________________________

وعشان الكلام اللى فات ده كله ميبقاش نظرى جبنالكم case study صغيرة توضحلكم ازاى بنستخدم كل ده 

دى صفحة الفئة العمرية الاكبر ليها من سن 18-24 والفئة التانية من 25- 34 

 

يعنى اما شباب جامعى بيجهز نفسه لسوق العمل وبيدور على شغل او شباب متخرجين وشغالين بس بيدورو على فرص احسن

وبما ان اهتماماتهم مختلفة مابين الادارة والتعليم والهندسة والميديا زى ما هو واضح فى الصورة دى 

قولنا نشيرلهم حاجة تكون مشتركة ما بينهم نزلنا قناة يوتيوب عليها حجات متعلقة بالسى فى ولينكد ان والانترفيو ومبادىء التسويق 

وبعد ما عملنا اعلان كانت دى النتيجة 

الcpe وصل 0.003 $

يعنى الدولار الواحد يعمل معاك 333 engagment وده شىء طبيعى جدا لما تعمل محتوى الناس عايزاه بناءا على تحليلك لل insights 

---------------------------------------------------------------------------------------------------------

اتمنى نكون عرفنا بشكل مبسط اهمية الinsights وازاى تستخدمها فى انك تفهم احتياجات الناس وتستغلها عشان تقدر تبنى بيها علاقة قوية معاهم وف نفس الوقت تحقق نجاح لنفسك . فى المقالة الجاية ان شاء الله هنتكلم عن ال ads 

تابعونا

ازاي تعمل بحث تسويقي اون لاين

ازاي تعمل بحث تسويقي اون لاين

سؤال مهم بيجي في بال ناس كتير اول ما بتشتغل مع عميل اون لاين انا دلوقتي عاوز اعمل بحث تسويقي اعمل ايه وايه الخطوات اللي امشي عليها ولو حبيت اكلف نفسي فلوس وهعمل بحث ادفع فيه فلوس هدفعها فين وازاي ولمين ؟!

اولا لازم تعرف ازاي تعمل بحث تسويقي بشكل عام قبل ما تفكر تعمل البحث التسويقي اون لاين ودا كنا نزلنا ليه فيديو قبل كدا بنشرح فيه بالتفصيل ازاي تعمل بحث تسويقي اون لاين هتلاقيه على اليوتيوب لو عاوز تشوفه "فيديو البحث التسويقي"

دلوقتي تعالي بقى نتكلم في ثانيا انت لازم تبقى عارف الهدف من البحث التسويقي دا ودا اللي واضح في اولا وبناء عليه تحدد انت عاوز تعمل البحث دا على الـ Prospects ولا الـ Leads ولا للـ customer بتوعك الحاليين واللي مش عارف الفرق بين التلاتة دول في مقالة نزلناها في المدونة " مقالة الفرق بين الـ prospects والـ leads والـ customers "

دلوقتي لو انا لسا عاوز انزل خدمة او منتج جداد السوق وعاوز اعرف رد فعل الشريحة بتاعتي ؟!

كدا يا باشا انت بتعمل بحث تسويقي علي الـ Prospects وفي الحالة دي انت ممكن تدخل على مواقع تجيبلك المنافسين والناس اللي عندهم وبشكل عام تبدأ تحلل الناس اللي عندهم دول وعندك امثلة للي ممكن يجيبلك المنافسين زي موقع 

likealyzer للفيس بوك

و followerwonk لتويتر

وفي الاغلب انت هنا هتستخدم طريقة الـ observation في رصد مشاكل الناس والشريحة بتاعتك والناس دول عاوزين ايه بالظبط

طب هفترض اني عاوز اعمل بحث تسويقي على الناس اللي مهتميين بالمنتج بتاعي بالفعل كدا يبقى انت هتلعب علي الـ Leads وهنا بقى نيجي لاهم نقطة الفيس بوك وتويتر ولينكدان اضافوا الفترة الاخيرة خاصية الـ Lead Generation ودا اسمها ف الفيس بوك وتويتر ولينكدان اضاف اداة اسمها Leads navigator والادوات دي مهمتها انها توصل للـ Leads بتوع الـ Industry بتاعتك

تخيل معايا كدا انك عاوز توصل للناس اللي مستعدة تشتري منك المنتج او الخدمة بتاعتك وتسألهم شوية اسألة ويجاوبوك عليها او تجيب الداتا بتاعتهم علشان تتصل بيهم وتعمل البحث التسويقي بتاعك ؟!

فكرة حلوة جدا جدا صح :D 

علشان كدا الادوات دي انت بتسأل فيها اسألة وعندك حل من اتنين يا الاسئلة دي تكون اختيارات واو اجابات short answers وتعمل البحث التسويقي مباشرة او تجمع داتا الـ Leads دول وبعدين تتصل بيهم وتعمل البحث التسويقي بتاعك وبعد كدا الداتا دي تاخدها وتحطها في الـ CRM system بتاعك اللي هو Customer relationship management وهيتعمل له مقاله قريب لوحده بالتفصيل

طب دلوقتي ياعم انا كلمت الناس وجمعت داتا حلوة جدا وعملت اللي متعملش ارمي الداتا دي بقى ؟!

لا دي بتخزنها في حاجة اسمها الـ Primary data (لو شفت الفيديو بتاع البحث التسويقي هتفهم قصدي ايه :D ) علشان لما تحتاجها بعد كدا في انك تعمل بحث تسويقي تاني ترجعلها ولو حبيت تبيع الـ Leads دول احسن ناس ممكن يشتروا لانهم تفاعلوا وخدوا الاكشن معاك وملوا البيانات.

خلي بالك اني اتكلمت عن لينكدان في النص يعني لو عاوز تعمل B2B marketing research دلوقتي مبقاش ازمة تخش على الاداة بتاعة Linkedin Sales Navigator وتعايش معاها والنوع دا كان من ارخم انواع البحث التسويقي قبل ما لينكدان يظهر :)

تابعوا بقيت مقالاتنا وتابعوا بيدج ماركتاوي :)

ازاي ادرس واتعلم تسويق صح فيديوهات كورسات وكتب

لكل اللي عاوز يتعلم تسويق دا دليلك لتعلم التسويق بالعربي وفي كتب بالانجليزي :) 

كورس تسويق ببلاش مجانا اون لاين على اليوتيوب :-

--------------------------------------------------
الكورس دا مبادئ للتسويق للي عاوز يعرف يعني ايه تسويق وايه هي مبادئ التسويق الكورس مقسم كالتالي
الحلقة الاولى :-
---------------
كيفية تحديد شرائح السوق واستهداف العملاء
https://www.youtube.com/watch?v=xMPhmfnh1C4
-----------------------------

الحلقة الثانية :-
---------------
الاستهداف ووضع المكانة في السوق targetting and positioning
https://www.youtube.com/watch?v=8raFVZQSTFs
-----------------------------
الحلقة الثالثة :-
---------------
المنتج وما اهم ما يؤثر فيه وما يحتاجه التسويق - 4Ps Product
https://www.youtube.com/watch?v=lnZJrNXYeeI
-----------------------------
الحلقة الرابعة :-
---------------
التسعير وكيفية ضبط التكلفة للمنتج - Price
https://www.youtube.com/watch?v=qX82eEUCdNQ
----------------------------
الحلقة الخامسة :-
---------------
Place المكان
https://www.youtube.com/watch?v=IBK305LphII
----------------------------
الحلقة السادسة:-
---------------
الترويج - promotion
https://www.youtube.com/watch?v=dgLo9sJ17Jw
----------------------------
الحلقة السابعة:-
---------------
marketing research البحث التسويقي
https://www.youtube.com/watch?v=nTOrJAomW1A
----------------------------

ودا كورس عن الـ Branding مجانا في رواق بالعربي

https://www.rwaq.org/courses/introduction-to-branding

================================================

بعد ما تتعلم المبادئ ودي فيديوهات علشان اللي مبيحبش يقرأ كتب هتبقى عاوز تتوسع وهنا هنيجي لمرحلة الكتب الفيديوهات دي بتفتحلك الطريق بس

دي كتب مهمة جدا في التسويق :-
===================
اولا التسويق علم كبير وفي وجهة نظرنا هو فن قبل اي شئ هنقولك علي مجموعة من الكتب بالعربي وبالانجليزي اقرأها واتعلمها كويس من البداية خالص وواحدة واحدة هنبدأ من الخفيف ونتعمق smile emoticon
1- كتاب التسويق للجميع :-
-----------------------
كتاب جميل صغير ملخص عملية التسويق في نقاط بسيطة وواضحة وعريضة يقدر الكل يفهمها بس مش موضح حاجات كتير متعمقة لكن جايب اهم الخطوط العريضة للتسويق.
2- كتاب كوتلر يتحدث عن التسويق :-
-----------------------------------
والكتاب دا مترجم عن كتاب اصلي اسمه "kotler on marketing" الكتاب بترجمة مكتبات جرير مفيد جدا جدا جدا شرح وافي وكافي لكل عملية التسويق علي العلم القديم كتاب جميل ممتاز تقدر تستفيد منه في التسويق وعملية التسويق من بدايتها لنهايتها بس مش مفصل اوي بعض الاشياء زي التسعير.
3- كتاب التسويق للمحترفين :-
-----------------------------
من اجمل الكتب اللي ممكن تقرأها لدكتور محمود التايه وفيه واضح نقاط كتيرة جدا في التسويق والميزة الكبرى فيه انه مش سايب جزئية الا وجايب مثال يوضحها الكتاب عريض ومجلد يغلب عليه اللون الاصفر :D
نيجي بقي للكتب الاجنبية ونتكلم عن اهم كتاب في التسويق
4- كتاب " principles of marketing" :-
--------------------------------------------
والكتاب دا فيه زتونة علم التسويق بقي لان كاتبه اتنين مؤلفين منهم فيليب كوتلر كينج التسويق الكبير في العالم واللي عمل ضجة بشركة نوكيا في اوائل الالفية الثانية لحد ما سابهم ... كتاب فيه كل ما يخص التسويق بتفاصيله المرجع اللي بيرجعله كل الماركتيرز اللي في العالم كتاب يستحق الدراسة والتعمق لعاشقي التسويق الميزة الكبيرة فيه بقي انه حاطت case study في اخر الكتاب marketing plan لشركات عالمية زي sony بالتفصيل.
5- كتاب "Marketing research an applied approach" :-
-------------------------------------------------------------------
كتاب بيوضحلك ازاي تعمل بحث تسويقي باستخدام ادوات ايه وازاي تقدر تعمل تجميع للداتا دي وتحليل النتائج اللي بتوصلها...لو بتفكر تعمل بحث تسويقي حقيقي الكتاب هيفرق معاك كتير.

================================================

ودي بقى مجموعة كتب للي عاوز يتعلم تسويق الكتروني :-

----------------------------------------------------

1- كتاب Emarketing excellence
---------------------------------------
من الكتب المهمة جدا واللي تعتبر مرجع في التسويق الالكتروني اي اصدار فيه بيعدي ال500 صفحة بيشرح جواه تطبيق لقواعد التسويق علي التسويق الالكتروني يعني ازاي تطبق ال 7Ps علي التسويق الالكتروني وازاي تبني E-CRM والعميل بيتصرف ازاي اون لاين والادوات اللي ممكن تستخدمها اون لاين وايه الModels اللي ممكن تمشي عليها والويب سايت بتاعك وافضل شكل ليه والاهم من كل دا ازاي تعمل Planning للخطة الالكترونية بتاعتك ودا اخر شابتر فيه.

2- كتاب new rules of marketing and pr
-----------------------------------------------
واحد من الكتب المهمة جدا جدا اللي عملها Davide meerman scott ابو التسويق الرقمي زي ما بيسموه في العالم. الراجل دا بيتكلم عن التسويق الالكتروني في الكتاب من منظور انه اتجاهين مش اتجاه واحد وازاي ان العالم دلوقتي بدأ يتحول في التسويق من العالم الاستهلاكي للشكل اللي تحس ان في pr بيكلمك ويرد علي كل اسئلتك كعميل. كتاب في غاية الروعة كله مفاهيم مهمة جدا.

3- كتاب Inbound marketing
---------------------------------
الكتاب دا شارك في كتابته بردو Davide meerman scott وهو من 2006 وفيه حاجات كتير جدا عن تحول عصر التسويق الالكتروني للاهتمام بالعميل بشكل مختلف والوصول للعملاء اللي انت عاوزهم مبقتش الحكاية كم بقت كيف وبيتكلم عن تحويل العملاء من مرحلة عملاء محتملين prospect الي عملاء فعليين Leads >>customers مينفعش هتشتغل ف التسويق ومتبقاش عارف مين اول حد اتكلم في الموضوع دا :)

4- كتاب manager's guide to online marketing
---------------------------------------------------------
الكتاب دا بقي بيتكلم عن جميع جوانب التسويق الالكتروني كفكر سواء SEO او Social media وغيرهم وبيكلمك ازاي تعمل خطة للكلام دا وتتابعها وبيوصل معاك لمستقبل الsocial media وقايل امثلة كتير جدا علي كل جزئية تقريبا بيتكلم عنها كتاب روعة :)

5- كتاب Social media marketing for dummies
-------------------------------------------------------
بردو من الكتب الموسوعة اللي ممكن تنقنق فيه كدا ولامم كل مواقع الsocial media وحاطت Tips لكل موقع عامة تقدر انت تظبط نفسك فيها باستمرار وفي حاجات ادوات تقدر تستفيد بيها كتاب جميل جدا اكيد هيفيدك.

facebook tips (content )

بسبب اهمية الفيسبوك ولان معظم الناس اللى بتبدأ بيزنس جديد بيركزو على الفيسبوك ومبيكونش معاهم ميزانية للتسويق حبينا نجيبلكم خطوات مرتبة وواضحة تقدر تمشى عليها فى البداية وتكون دليل مبسط للمبتدئين فى المجال وللناس اللى لسة بتبدأ بيزنس ولان ال content يعتبر اهم حاجة قررنا نبدأ بيه سلسة مقالاتنا عن الفيسبوك  .

تعالو نتخيل مركزين تدريب الاتنين بيدو كورسات انجلش واحد منهم كل شوية ينزل بوست يقول للناس تعالو سجلو فى الكورس والحقو العرض وفاضل اماكن قليلة  والتانى دايما بينزل حجات تنفع الناس وبيتفاعل معاهم  . السؤال بقى هنا لو انت حبيت تاخد كورس انجلش هتروح لمين فيهم ؟؟؟؟

سامعك بتقول التانى . والسبب فى ده ان المحتوى الهدف الاساسى منه انك تخلق value تقدمها للجمهور بتاعك وتقدر من خلالها تبنى relationship قوية معاهم.

طب هل ده معناه انى اعد انزل لينكات تخدم الناس وفيديوهات واتعب نفسى واتجاهل تماما الاعلان عن المنتج او الخدمة بتاعتى ؟؟؟!!!

1- قاعدة ال 80/20

دى قاعدة بتقول انك عشان المحتوى بتاعك يكون ناجح تخلى 80 % منه فيه قيمة عالية بغرض التفاعل و20% تنزل اعلانات او بوستات تتكلم فيها عن المنتج او الخدمة بتاعتك.

والحقيقة الموضوع مرن جدا وف بعض الاحيان ممكن تزود او تقلل النسبتين على حسب انت ال objective بتاعك ايه .تزود ال sales ولا ال engagment  ؟!!!

بس فى النهاية التوازن مطلوب ومينفعش تركز على المبيعات فقط او التفاعل فقط .

2- حلل المحتوى للمنافسين

عشان تاخد لمحة كويسة عن اكتر نوع من المحتوى مناسب للبيزنس بتاعك وتقدر تطور فيه او تضيف ليه

وده تقدر تعمله بالطريقة العادية انك تدخل البيدج وتشوف بنفسك

 وممكن تعمله عن طريق بعض الادوات زى likealizer

ودى بتديلك تقرير كامل عن الصفحة ونوع المحتوى المستخدم ومعلومات مهمة جدا بالنسبالك .

3 - اعمل calendar للمحتوى بتاعك

فيه قاعدة بتقول  ان ساعة تخطيط توفر عليك اربع ساعات عمل . عشان كده مهم جدا تعمل كاليندر لشهر كامل

 ومهم جدا تنوع مابين انواع المحتوى المختلفة  ( pics - videos - articles - text - ......etc)

فيه تمبلتس كتيرة على النت تقدر تستخدم اى واحدة منهم ويفضل انك تعمل التمبلت الخاصة بيك اعمل حاجة بسيطة على برنامج الوورد او الاكسيل ومع الوقت تقدر تطورها على حسب احتياجات البيزنس بتاعك  . 

4- حلل نتائج المحتوى 

عشان تتاكد انك ماشى صح لازم تحلل المحتوى بتاعك عن طريق ال insights

لما تحلل وتجرب حجات مختلفة ممكن تكتشف ان فيه نوع معين من المحتوى بيجيب تفاعل اعلى فى يوم اكتر من باقى الايام عشان كده قلنا فى الخطوة اللى فاتت انك مع الوقت بتطور الكاليندر بتاعتك

وف مقالة منفصلة ان شاء الله هنتكلم عن ال insights 

5 - استخدم الهاشتاجات

حاول تستخدم هاشتاج او اتنين بس مرتبطين بالمجال بتاعك وعليهم تفاعل (متزودش هاشتاجات واحد او اتنين بس )

ودى ممكن تجيبها من الخطوة الثانية

وممكن تبتكر هاشتاج بس يكون مميز و سهل الناس تفتكره ومش طويل .

6- استخدم ال newsjaking

 تقدر تعرف ازاى من المقالة دى islamic newsjaking

دى الخطوات الاساسية اللى لو مشيت عليها يبقى انت كده على الطريق. استنونا فى باقى المقالات بتاعتنا فى سلسلة مقالات الفيسبوك و لو عندكم اى استفسار بخصوص المحتوى اسألونا وهنرد عليكم 

----------------

محمد حرب